Ватіканьска церьковна єрархія, котра підписала установчу папску булу Кошіцькой ґрекокатолицькой єпархії в менї папы Бенедікта ХVI., в нїй уводить прічіну установлїня Кошіцькой ґрекокатолицькой єпархії:

„...Кідьже Кошіцькый апостольскый екзархат значів про хрістіанів візантьского обряду, жыючіх на Словакії, великый розвой штодо кількости віруючіх,.. повышуєме спомянутый апостольскый екзархат на єпархію з назвов Кошіцька єпархія...“

(Позерай долов копію латиньского оріґіналу той булы і єй словацькый переклад, котры были опублікована на с. 40 Схематізму...)

 

 

На вшыткім высше уведженім бы не было ніч незвычайного, кібы в роцї 2008 Кошіцькый ґрекокатолицькый екзархат не быв опубліковав свій властный схематізм під назвов „Košický exarchát“ (Košice, 2005), де на с. 146 опубліковав штатістіку прибываня віруючіх в окремых роках од р. 2000 до р. 2004. (Поз. опубліковану копію той штатістікы.)

Подля той офіціалной штатістікы в Кошіцькім самосправнім краю (= новостворена Кошіцька ґрекокатолицька єпархія) каждый рік ся похрестить коло 1 000 новых ґрекокатоликів, а єдночасно одпровадить ся до вічности коло 3 000 старых ґрекокатоликів. Также Кошіцька ґрекокатолицька єпархія вымерать!!! Подля штатістік має коло 80 тісяч віруючіх, а подля схематізму під назвов Кошіцькый екзархат природным убытком ся тото чісло каждорічно зменшує о два тісяч віруючіх.

 

 

Также теоретічно – неґатівна каждорічна біланція в кількости віруючіх бы ся в перспектіві близкой будучности дала згорнути так: 80 000 : 2 000 = 40, также за штиридцять років бы в папом Бенедіктом XVI. установленій Кошіцькій ґрекокатолицькій єпархії не мав жыти ани єден ґрекокатолик. То говорять офіціалны штатістікы той єпархії!

В горї уведженій папскій булї з 30. януара 2008 твердить ся але навспаск: же кількость ґрекокатоликів міморядно росте...

Хто тогды кламле і чом?! Кламство є грїх. Хрістос є путь, правда і жывот, а діавол є отцём кламства. Также каждый, хто кламле, мать за отця не Господа Бога, але діавола.