Počasie
• • •
Internetové noviny
Uverejnené názory dopisovateľov nemusia byť totožné s názormi redakcie.
Опублікованы погляды дописователїв не мусять быти згодны з поглядами редакції.
Uverejnené názory dopisovateľov nemusia byť totožné s názormi redakcie.
Опублікованы погляды дописователїв не мусять быти згодны з поглядами редакції.
Новинкы • Noviny • News 44/2010
Девятдесять років Михала Шмайды
31. oктобра 2010 в Eвроготелї в Міджілабірцях святковав своє 90-річа од дня народжіня Русин із Красного Броду (окрес Міджілабірцї), писатель і збератель фолклору Русинів – Михал Шмайда. Желаме му міцне здоровя і іщі много творчіх років жывота. На многая і благая лїт!Святочный вікенд у братів Лемків
16. і 17. октобра 2010 прошли в польскых Красній (місцї народжіня І. Русинека) літературна акція – 18. Лемківска творча осінь і културно-сполоченьска акція, одкрытя памятной ізбы Івана Русенка в просторах Стоварышіня Руська бурса в Ґорліцях, головным орґанізатором котрых было Стоварышіня Лемків на челї з А. Копчом, єдночасно підпредседом Світовой рады Русинів.Конференція о владыкови Василёви
11. октобра 2010 зорґанізовала Ґрекокатолицька теолоґічна факулта в Пряшові міджінародну научну конференцію під назвом Рефлексія єдности в роботї і жывотї благореченого єпіскопа Василя Гопка в контекстї евроінтеґралной процедуры, яку факулта зреалізовала за помочі ґранту научного проєкту ВЕҐА.Фестівал у Нижнїй Полянцї
10. окторбра 2010 село Нижня Полянка (окрес бардеёв) у сполупрацї з Русиньсков обродов на Словеньску – Реґіоналным клубом в Бардеёві і Вышнёшарішскім освітным центром зорґанізовали Фестівал русиньской културы, якый быв у містнім домі културы.